金潮小廚

Open Now

Now Closed

同朋友黎食宵夜，一人叫番支啤酒同汽水！😆佢哋嘅魚皮配啤酒真係好正！😍魚皮非常新鮮，唔會雪到硬晒，好爽口！另外，有個秘製辣汁可以點，味道同一般辣汁好唔同，能夠帶出魚皮嘅鮮味，仲有花生又可以送酒😚胡椒蜆湯嘅胡椒味好重、好香，而且仲好鮮甜，蜆肉非常肥美!👍🏻本來我以為薑蔥蠔係就咁薑蔥炒蠔，估唔到係用啫啫煲，上菜嗰陣已經聞到非常香，蠔仲用油桌一桌，外層好香口鬆脆，裏面既蠔肉好大隻同埋鮮美！非常惹味！一定要試吓！佢哋位置唔算多，成日都排長龍，店內環境幾擠迫，而且價錢唔算平，不過食物質素有咁上下保證。