金滿堂甜品

Open Now

Now Closed

九龍灣金滿堂真係由細食到大，咁多年都keep到水準，真材實料，每一款甜品都唔會伏，價格都唔會太貴，夜晚都好多人去食要係九龍灣食港式甜品，一定會揀佢！🥥桃園燕 $58 熱 (9/10)椰子裏面有燉蛋白，清心丸，芋圓，桃膠，雪燕，椰汁，配料好豐富！熱辣辣，雖然餡料每樣得幾粒，唔算話好多，清心丸比較爽口似硬身嘅啫喱，芋圓好煙韌有芋頭味，雪燕同桃膠都好淋好碎，蛋白超香滑，有蛋味加埋椰汁真係冇得輸，好好食🤤食完仲可以食埋入面嘅椰肉，好淋好有椰子味！推薦指數: 9/10雖然價錢唔係特別平但勝在真材實料，味道好好食，間唔中食一個都好幸福！