金亞淶泰國餐廳

Open Now

Now Closed

以往喺工廈搵食都不時有驚喜，今次喺荔枝角嘅億利到個超正嘅椰皇甜品，原來米紙都有推薦過。𖦹 泰式肉碎生菜包 $68肉碎香料味濃郁，如果再辣啲就更好了，將包入新鮮嘅生菜，口感豐富。𖦹 燒豬頸肉 $78豬頸肉份量極多，帶炭燒香氣。𖦹 咖哩海鮮焗南瓜 $168 + 蒜蓉包 $15新推出嘅菜式！原個南瓜上枱，入面係用黃咖哩煮成嘅海鮮，包括蝦、魚、青口、魷魚、南瓜粒，連個邊啲南瓜肉都可以刮黎食。個汁雖然係咖哩但唔辣，反而多咗陣南瓜嘅香甜，點包定撈飯皆一流。𖦹 椰皇三重奏 ＄38第一層係最面嘅脆脆焗椰子片，中間係椰汁奶奶凍，最底係椰青啫喱，一次食到三種口感同味道，清甜得嚟椰香味濃郁，榮升本年度最驚艷甜品之一。𖦹 青檸梳打 $20成枝梳打水俾你慢慢斟，超清爽。𖦹 青檸檬薏米水 ＄20養生解膩之選。