Video
Read full review
2023-12-21
38 views
老細食鱔日記🪱1 財務嘅工作，成日要受人氣。通常埋數時候，啲人先CC然將自己的數交過來，尤其係食鱔老細🪱，“啊邊個邊個，幫我Claim埋佢，一陣過埋數俾我，我宜家趕住要搵人食鱔啦”。月尾d數大堆頭，我都要搵間餐廳食啲嘢大堆頭嘅先得。 🍖 星期六OT完，差唔多3點，個商場的餐廳都冇咩人，尼間台式鋪頭竟然仲有5,6枱，坐低我就知點解。我地叫左滷肉飯，同蜜汁豬扒紫菜飯，少飯。上到枱，仲係滿滿的（要用普通話讀），滷肉飯既魯肉好正，d肉唔會切到好大舊，但每舊都有皮，肥肉，瘦肉，比例好好，再加上肉茉同埋鹹淡得宜鹵肉汁，配合埋白飯一齊食，幸福。但喺個飯其實唔止滷肉，仲有鹹菜，肉絲，葱花同埋芒果，雖然好多嘢，但喺整齊咁排列，我真心希望我個班食鱔嘅同事🪱，俾資料我嘅時候，都可以整整齊齊。而且鹹菜處理得非常之好，唔係果種買完現成即刻喺嗰罌度囉出來咁hea。最重要係個芒果，非常新鮮，完全冇酸味，又冇根，啱啱好中和左滷肉既腻感。 🍖蜜汁豬扒紫菜飯，豬扒炸得太好味喇，新鮮炸起，外面脆卜卜，裡面夠鬆化，仲要加埋又係好脆嘅紫菜，雙重脆味。而且又唔怕乾爭爭，因為豬扒有少量比例既肥膏，配合埋蜜糖汁，同埋一樣滿滿（要用普
財務嘅工作，成日要受人氣。通常埋數時候，啲人先CC然將自己的數交過來，尤其係食鱔老細🪱，“啊邊個邊個，幫我Claim埋佢，一陣過埋數俾我，我宜家趕住要搵人食鱔啦”。
月尾d數大堆頭，我都要搵間餐廳食啲嘢大堆頭嘅先得。
🍖 星期六OT完，差唔多3點，個商場的餐廳都冇咩人，尼間台式鋪頭竟然仲有5,6枱，坐低我就知點解。我地叫左滷肉飯，同蜜汁豬扒紫菜飯，少飯。上到枱，仲係滿滿的（要用普通話讀），滷肉飯既魯肉好正，d肉唔會切到好大舊，但每舊都有皮，肥肉，瘦肉，比例好好，再加上肉茉同埋鹹淡得宜鹵肉汁，配合埋白飯一齊食，幸福。但喺個飯其實唔止滷肉，仲有鹹菜，肉絲，葱花同埋芒果，雖然好多嘢，但喺整齊咁排列，我真心希望我個班食鱔嘅同事🪱，俾資料我嘅時候，都可以整整齊齊。而且鹹菜處理得非常之好，唔係果種買完現成即刻喺嗰罌度囉出來咁hea。最重要係個芒果，非常新鮮，完全冇酸味，又冇根，啱啱好中和左滷肉既腻感。
🍖蜜汁豬扒紫菜飯，豬扒炸得太好味喇，新鮮炸起，外面脆卜卜，裡面夠鬆化，仲要加埋又係好脆嘅紫菜，雙重脆味。而且又唔怕乾爭爭，因為豬扒有少量比例既肥膏，配合埋蜜糖汁，同埋一樣滿滿（要用普通話讀）的少飯，又係另一心水推介。
🍖小食方面，我地叫左咸既醉雞翼，同埋甜既古早二文治。雞翼處理嘅時間啱啱好，要知道浸花雕浸得太短時間會冇味，浸的太長會變苦。二文治即係芋泥夾餅而且仲會跟炸鮮奶，炸嘅時間又係相當得宜，表皮夠脆又唔會燶。食鱔老細🪱唔識得體諒我，好彩仲有呢間店夠窩心。
🍺✨️飲品我地揀左芝。芋頭鮮奶，同埋檸檬山楂薄荷茶。建議芋頭鮮奶要開蓋飲，咁先至可以飲埋啲芝士，相反薄荷茶要冚蓋飲，焗多d薄荷味出來，好香架。
我決定帶埋老細同啲同事再嚟呢度一次，希望以我真心打動佢地。
Post
