今次一早BOOK左呢間諗住同朋友慶祝生日。我地一早上左去坐先,諗住嗌定個CAKE同叫D STAFF幫我地寫happy birthday落隻碟度。咁個STAFF一早同我講左佢地有賣CAKE,不過唔係圓形果D，係切餅果隻。咁我地都OK 呀,又唔想食得多,怕肥。我地好似叫左個LEMON CHEESE CAKE, $4X，睇個價我以為係三形形果D切餅，我地同個STAFF講叫佢O係隻碟寫"HAPPY BIRTHDAY TO XX"同埋交待左最後先拎黎。佢地OK,咁我地個主角都差唔多上到黎。
然後個STAFF好識趣地咁2次行過黎我地個位問我地上得個蛋糕未!!
第一次係我地諗緊食咩果陣。好野，咩SURPRISE都冇!!
主角笑笑口扮唔知咩事。之後嗌左個沙律,溫泉蛋蟹柳牛油果飯,有秋葵的意粉....咁上下啦
唔係太記得係幾好食ge,唔會太肥膩,幾清新
好喇,到個STAFF黎收走我地D野食果陣，佢望住主角問：個甜品上得未呢?!
主角話:上得喇。
點解可以咁醒??????點解?????至少係咪都應該問其他一早上左黎果幾個朋友仔呢?!?!?!?!??! 由頭到尾我地落蛋糕,嗌野食,執野都係同一個STAFF黎嫁!!所以唔存在佢唔知頭唔知路GE問題!!同埋太忙嗎?不是,成間餐廳得2,3台客....
唉,蛋糕黎到先失望，最最失望，點估到$4X ge蛋糕，竟然係莎莉蛋糕咁ge樣,咁ge texture,然後仲薄過一片方包咁ge厚度!!
真係冇野好講...係我錯,咁ge樣的確都係切餅的一種，係我見識少，以為$4X蚊的蛋糕起碼都會係貴價cake shop果D size的切餅.......
總括黎講，滿意比不上失望，都唔會話RECOMMEND D朋友黎。
