和將居酒小廚 (Closed)

將軍澳發展得好快，好多靚樓，以為呢頭食野會好貴，今日黎試下，又OK喎。我今日試左呢間和將居酒小廚，呢度有日式同西式野食，原來佢拍住間 "意SIX CAFE"做姊妹店，唔怪得有西式野食啦。咁我地就一於日西兩式都試下。香煎牛肉片帆立貝溏心蛋配烏冬烏冬好滑有咬口，湯底清清地。牛肉片同帆立貝幾香口，呢度用沙律菜墊底，全部都比我地食清光。原塊雞扒田園沙律配迷你牛角酥沙律配料超豐富又好食，有好嫩既沙律菜、仲有粟米、車喱茄、麵包糠、煙肉、鷹嘴豆、紅腰豆，而雞扒煎得好香脆，牛角酥外脆內暖。日式餃子餃子菜肉餡料，即叫即煎，脆口熱辣辣。炸章魚丸值得推薦，幾特別，感覺似用章魚滑整，口感亦都好豐富，裏面仲有章魚粒。食埋個日式芝士蛋糕超滿足，質感鬆軟，甜度剛剛好。全日免收加一，賣單二百蚊都唔洗，坐得舒服務，抵食。