Video
Read full review
2022-08-27
81 views
上網睇到話嘢食不錯，星期日下午兩點幾黎到 full house，咁就排隊，諗住食好西梗係要等一陣㗎喇。前面有一group兩人，我地排第2 group。前後等咗10分鐘左右已經到我哋有枱入得，安排咗我地喺吧枱，喺正出咖啡+落單位隔離，每一台食客嚟落單都會逼住我哋，啲食客落單又會睇Menu，而啲Staff又會係嗰個位出咖啡比客人。我哋食嘢就覺得好disturbing，有時仲會撞到我右邊手踭🙄🙄🙄，食都食得唔安落。然後我就禮貌地問其中一位女員工，問佢如果其他位有人離開可唔可以叫我哋過去，佢話應該冇問題，到時再幫我哋睇吓。過咗一陣，有一台客人準備離開，我就問另一位staff: 係唔係可以調我哋過去？因為頭先你地有位女同事表示可以。而呢位男staff就話等一陣，走去問一個疑似經理/ 老闆嘅人，問完之後呢位疑似經理/ 老闆就走過來用好mean嘅態度咁表示因為weekend，所以入左席就唔可以再掉位，然後就走咗去(wth?)🙄🙄🙄🙄其實嗰兩個吧枱咁迫咁窄的話就唔應該放兩個客人係嗰個位，啲食客又不斷落單又不斷出咖啡，其實對坐喺嗰兩個位嘅食客黎講真係好騷擾。我明白想做多啲生意，但係坐得唔舒服其實都好趕客
前面有一group兩人，我地排第2 group。
前後等咗10分鐘左右已經到我哋有枱入得，安排咗我地喺吧枱，喺正出咖啡+落單位隔離，每一台食客嚟落單都會逼住我哋，啲食客落單又會睇Menu，而啲Staff又會係嗰個位出咖啡比客人。我哋食嘢就覺得好disturbing，有時仲會撞到我右邊手踭🙄🙄🙄，食都食得唔安落。
然後我就禮貌地問其中一位女員工，問佢如果其他位有人離開可唔可以叫我哋過去，佢話應該冇問題，到時再幫我哋睇吓。
過咗一陣，有一台客人準備離開，我就問另一位staff: 係唔係可以調我哋過去？因為頭先你地有位女同事表示可以。
而呢位男staff就話等一陣，走去問一個疑似經理/ 老闆嘅人，問完之後呢位疑似經理/ 老闆就走過來用好mean嘅態度咁表示因為weekend，所以入左席就唔可以再掉位，然後就走咗去(wth?)🙄🙄🙄🙄
其實嗰兩個吧枱咁迫咁窄的話就唔應該放兩個客人係嗰個位，啲食客又不斷落單又不斷出咖啡，其實對坐喺嗰兩個位嘅食客黎講真係好騷擾。我明白想做多啲生意，但係坐得唔舒服其實都好趕客。
同埋如果weekend唔能夠轉位的話，咁嗰位女員工就唔好應承客人，舖頭有呢條規矩話weekend唔能夠轉位，員工唔知嘅咩？又會隨便應承客人嘅？
食物上完全冇問題，啲嘢食好味又夠熱，咖啡就不過不失。
我哋見坐得咁辛苦，好快咁鯨吞完就離開咗，前後食左半個小時多啲。咁餐廳又可以好快比下兩位客人坐喺呢個好迫好窄嘅位 (應該係餐廳嘅策略🤡)
總括嚟講無下次，嘢食幾好食都冇用，又要受氣又要一路食一路俾人撞到手踭，898。
Post