homemadecafe

今日午餐去左好耐無去既部屋咖啡室，部屋咖啡室係一間位於旺角登打士廣場既一間樓上咖啡室。除左有pizza，意粉，意大利飯，漢堡包，全日早餐，小食，甜品同野飲等有得食又有得飲之外，仲有board games俾你玩。呢度一共有5張枱，地方唔算大。

今餐叫左個漢堡，兩款小食同一款甜品分享。

自家制手打牛肉漢堡

$118

自家制手打牛肉漢堡 $118 另加一

自家制手打牛肉漢堡

$118

呢度嘅漢堡好耐冇食，我仲記得質素係非常好，今次又叫黎試試先。自家制手打牛肉漢堡大大個，上面塊麵包烤得超香脆，兩塊麵包都滿佈白芝麻粒，好香，食落就甜甜哋。下面就係紫洋蔥圈同一片番茄，再下面就係一片熱溶芝士同漢堡扒，下底墊有少少菜苗，仲加左茄汁。

自家制手打牛肉漢堡

$118

漢堡扒煎得唔乾，成個漢堡好夠濕潤，一啲都唔乾。芝士加埋茄汁好邪惡。

自家制手打牛肉漢堡

$118

配有扭紋薯條，炸得非常熱辣辣，食落外脆內腍，伴有一兜茄汁，可稍微降温。

椒鹽魷魚鬚

$52

椒鹽魷魚鬚 $52 另加一


椒鹽魷魚鬚叫左少鹽，味道啱啱好，唔會太鹹。即炸即食，炸皮夠薄又酥脆，唔算太油。

蜜糖雞翼

$52

蜜糖雞翼 $52 另加一


蜜糖雞翼一客4隻，炸得皮脆肉嫩，蜜糖味啱啱好，甜甜哋好食。


炸物全部都新鮮熱辣炸起，好食。

雪糕伴朱古力香蕉厚多士

$85

雪糕伴朱古力香蕉厚多士 $85 另加一

雪糕伴朱古力香蕉厚多士

$85

果然係厚多士，多士超厚身，整得皮脆而入面夠鬆軟，上面放左一球朱古力雪糕同一排香蕉切片，仲擠左朱古力醬。朱古力醬唔會過多，點麵包食啱啱好，朱古力雪糕凍冰冰，配多士食超正！


今餐所有食物都唔錯呀。空間上都夠濶落，仲有公仔陪你食。