Video
Read full review
2023-05-21
88 views
今日約左姐妹門過黎食lunch, 呢度環境幾別緻，原來樓上仲有座位的，黎到大家都覺得張枱真係好細，係靚但唔實用。✨呢度set lunch 價錢唔算貴，加$18仲可以追加沙律或者湯, 同埋可以任飲.✨我地order 左野食， 等左成半個鐘以上都無野食黎過，無叫湯又黎左個湯，等到有d 懷疑人生。明明早過隔離叫野食但乜都無， 追完又等果下真係嬲嬲地， 男待應一d 唔好意思都無，只係笑笑口話整緊🤷♀️其實我心諗係咪漏單～我12點幾黎已經係頭嗰幾枱客。今時今日呢個速度,真係追唔上社會嘅步伐。✨餐飲叫咗桂花烏龍茶,茶味好濃有桂花香，不過個杯係好多茶漬,呢一下係有啲唔開胃，一間咁靚嘅餐廳, 但因為個杯扣晒分。✨墨魚汁海鮮意大利飯：個飯真係好細,但其實味道係唔錯,帶子鮮味彈牙，蝦肉爽口，加上枝豆感覺又fresh 左。✨蒜香欖油番茄乾意大利麵： 好少食到茄乾嘅意粉，呢個炒出嚟幾乾身又有油香，加埋個蒜蓉多士$68又幾有誠意。 ✨寶雲酥柚子厚豬扒：呢個豬扒幾大塊同厚，雖然食落比較瘦，但係肉質夠腍，加上面頭嘅脆脆麵包糠,甜甜地嘅柚子蜜再點埋個醬又幾好食。 配菜仲有南瓜，juicy 既菇同埋薯角。其實本身想叫疏
✨呢度set lunch 價錢唔算貴，加$18仲可以追加沙律或者湯, 同埋可以任飲.
✨我地order 左野食， 等左成半個鐘以上都無野食黎過，無叫湯又黎左個湯，等到有d 懷疑人生。明明早過隔離叫野食但乜都無， 追完又等果下真係嬲嬲地， 男待應一d 唔好意思都無，只係笑笑口話整緊🤷♀️其實我心諗係咪漏單～我12點幾黎已經係頭嗰幾枱客。今時今日呢個速度,真係追唔上社會嘅步伐。
✨餐飲叫咗桂花烏龍茶,茶味好濃有桂花香，不過個杯係好多茶漬,呢一下係有啲唔開胃，一間咁靚嘅餐廳, 但因為個杯扣晒分。
✨墨魚汁海鮮意大利飯：個飯真係好細,但其實味道係唔錯,帶子鮮味彈牙，蝦肉爽口，加上枝豆感覺又fresh 左。
✨蒜香欖油番茄乾意大利麵： 好少食到茄乾嘅意粉，呢個炒出嚟幾乾身又有油香，加埋個蒜蓉多士$68又幾有誠意。
✨寶雲酥柚子厚豬扒：呢個豬扒幾大塊同厚，雖然食落比較瘦，但係肉質夠腍，加上面頭嘅脆脆麵包糠,甜甜地嘅柚子蜜再點埋個醬又幾好食。 配菜仲有南瓜，juicy 既菇同埋薯角。
其實本身想叫疏乎厘pancake,但又怕等得耐，不過見佢啲嘢食又唔錯，果下啖氣消左😂
✨原味疏乎厘pancake: 講明要等半個鐘，呢個大家都覺得好好食, 雖然有少少偏甜,但佢白色個醬係類似鹹嘅奶蓋，食落幾得意，其實乜都唔點都ok. 雪糕仲要係好少食既拖肥味，呢個甜品一個人都可以KO 到。
整體嘢食水準其實係唔錯，但服務方面係比較差, 收碟比較慢，野食等得超耐，不過有空間再試多次
Post
