萬歲 (Moved) New Location

炮台山附近已經好多嘢食，有時想食啲小食頂下肚所以就幫襯萬歲食燒賣同埋陳皮魚蛋。嘢食都OK，除咗食燒賣嘅時候每一次都要求佢哋比特別嘅辣醬，因為佢哋淨係肯比辣油，要食陳皮魚蛋先肯比辣醬，每一次問嘅時候嗰個老女人都非常西面。本身以為淨係老女人係咁啦，原來嗰個後生女態度仲差，得個男人態度相對比較好。買嘢食都希望佢哋有啲笑容態度良好少少，其實炮台山其他餐廳都好好態度，對街坊都好友善，係唯獨萬歲成日都黑口黑面見到街坊都唔會打招呼，如果唔係收工有時好肚餓未夠鐘開飯，我都唔會去幫襯萬歲，何必俾錢買難受。希望佢哋搬咗去大啲嗰個舖位之後，個老女人同後生女嘅可以有返少少笑容同埋客氣少少。