November+

Open Now

Now Closed

本身都唔會寫食評，但今次真係食到好失望。本身見呢間cafe嘅comment都一面倒幾好，一心打算放lunch去試下，仲專登早D到，但一去到店員做緊野，要等左陣先有位坐，餐廳唔算好舒服（主要係冷氣唔夠又開住大門），快快手落左order，打算等一陣就有得食，結果就只有一直等😔等左10分鐘有塊小小蒜蓉包（套餐嘅前菜）到；再等10分鐘杯野飲就整好；再等10分鐘，今次我叫嘅主菜（椰子湯烏冬）仲整緊😢。我1個鐘嘅lunch hour就咁就冇左一半，再等左多15分鐘，終於!!烏冬整好，但味道冇想像中好味，反而杯野飲士多啤梨奶昔就好味嘅。可惜嘅就係最後我得番10分鐘要食晒碗烏冬，好趕急之餘又食唔晒，仲有成個餐total真係唔平，唯有當用錢買左個教訓。雖然環境係幾特別，但真係唔會再去第二次！如果趕時間嘅真係要三思！