Coti the Bistro (五芳街)

Open Now

Now Closed

呢間之前食過好好味，今晚收工過黎食好嘢happy 下先， 放工時間人流唔多，所以都坐得好舒服又夠靜。✨餐湯係粟米湯，又有紅蘿白粒，火腿好足料， 入邊個脆脆好好味，有d 似油炸鬼。 蒜蓉包夠晒脆，蒜蓉味仲好突出。✨棉花糖朱古力：面頭奶泡勁香滑，朱古力夠濃又唔會好甜，加埋香甜嘅棉花糖甜度啱啱好。✨tiramisu 咖啡：攪勻左個味有d 似溶左既咖啡味雪糕，鍾意佢果種香甜感但個咖啡味又超香。✨日本鰻魚漢堡包： 條鰻魚真係好大條，肉質仲好彈口，鰻魚汁夠多，加埋面頭d 紫菜好好味。 個burger 仲加左酸蘿蔔，椰菜沙律，蕃茄，生菜真係好開胃。 薯條最鍾意粗身，勁多薯肉，要點勁多茄汁😋✨慢煮烤雞配霹靂葡汁、雜錦沙律:個雞好滑好入味，個汁都幾辣，不過點少少都幾刺激。✨tiramisu waffle: 個waffle 好鬆脆， tiramisu 個cream 好滑， 幾鍾意佢d 甜品同野飲都唔會太甜，好食又唔會膩。