算罷啦！媽媽無假放的，假唔假期都忙碌。
豐泰成日都經過，但食都係第一次
坐位有少少迫的，所以記得 shopping 前先好入去。
入門見到個個唔係牛就豬手，應該呢間係牛類 (牛筋，牛腩，牛雜)同豬手出名啦！
一於就牛雜河走腸啦！
不過我係外賣，因為左一袋右一袋，入到去會唔太方便。特別要了辣椒油。
開餐啦！打開有驚喜呀！拎咗外賣後，沿途都有少少後悔叫了河粉，好唔鐘意索曬湯，淋曬又易斷既質感。
結果，河粉無索曬啲湯，湯粉分明，河粉無淋曬，仲係有彈性兼滑口。牛雜唔會霉曬，入味又夠咬口，味道唔會得鹹味，帶有少少香料味道。
愛辣既朋友，就記得要試佢地既辣椒油啦！夠香帶辣，出乎意料地好。
