甘味讚岐手打烏冬 (Closed)

葵芳係另一個小編成日都會去行嘅地方，有連鎖店之餘亦都有啲地道店。同朋友行到攰就緊係去食嘢！見到甘味烏冬 發覺自己好耐都冇食過甘味，就拉埋個朋友去食。甘味又係唔洗點等位嘅一間餐廳，好快就有得入座。睇睇個Menu，小編同朋友好快就諗好左食咩，我地嗌左一碗鰻魚烏冬、一碗雞扒番茄湯烏冬、炒雜菜、七味雞軟骨。味道黎講其實幾好！先黎到嘅係炒雜菜，上面有小編好中意嘅韮菜花，呢個係一件好surprise嘅事，相反冇任何椒，令小編好滿意；跟住嘅係鰻魚烏冬，佢嘅鰻魚唔似出面某一啲餐廳咁，唔會有陣味，好好食，而且烏冬嘅軟硬適中，味道不錯；最後嘅係雞軟骨，小編真係一個好中意食雞軟骨嘅人，但係呢間嘅雞軟骨係算係中上級嘅，咬起上黎好爽，亦好好食！唯一嘅美中不足係，烏冬一向係好少嘅，所以食完之後小編其實唔夠飽，哈哈。