大瀛喜日本料理 (Closed)

每個月都會同屋企人食放題，今日就嚟到旺角大瀛喜，呢間放題食物應有盡有，用QR code落單非常方便，食物款式選擇好多，包括有刺身、壽司、鍋物、生果、雪糕、炸物和甜品等！坐低第一時間點左盤刺身包括有三文魚充滿魚油香味！仲有我最鍾意嘅北海道帶子新鮮軟滑！赤蝦大隻鮮甜！希靈魚既獨特味道我也喜愛！赤貝及海蜇夠哂爽口！另外海膽手卷一啖一口非常甘甜！燒羊架每件燒至金黃色，生熟度適中咬落仲有好多肉汁！黑椒蜜汁一口牛炒到好夠穫氣，唔錯！花膠扒西蘭花花膠充滿膠原黏口，西蘭花嫩綠食落清甜爽口！串燒牛舌即叫即燒熱辣辣，口味香濃，爽口咀嚼勁！炸物榴槤炸彈榴槤咬開即時流出好香濃！炸雲吞炸到金黃色好香脆！焗芝士蝦也相當好食！最後食埋雪糕呢一餐真係非常滿足！