食放題一嚟梗係先叫刺身啦！刺身選擇好多，淨係蝦已經有泰式生蝦、天使蝦、有頭甜蝦同激巨赤蝦四款選擇！仲有珍寶帶子、象拔蚌、松葉蟹鉗呢d貴價之選！仲有記得早d book位仲有海膽送！
沙律前菜方面有柚子大蝦沙拉、泰式鳯爪同溫泉蛋！溫泉蛋好流心好正！鳯爪酸酸辣辣好開胃！
一品料理仲有蜂蜜芥末炸雞、炸鮮奶、網子蝦卷，吉列蠔、招牌炒蜆、韓國人參雞湯、馬拉盞通菜！炒蜆好有獲氣，唔知以為自己去咗避風塘，炸鮮奶，香甜可口！馬拉盞通菜非常惹味！人參雞湯參味十足！差d唔記得我最愛嘅燒菠蘿！
貪心嘅我地見到咁多款壽司都好想食，不過我地最後只係食到火炙三文魚同芝士鰻魚卷已經飽到上心口，連火鍋都試唔到！和牛壽喜燒煱，我地下次見🥺
