茶木‧台式休閒餐廳 (德福廣場1期)

Open Now

Now Closed

德福商場既「茶木」新裝修完，更係要再去食下✨，「茶木」一向保持高水準台灣菜，再加上餐廳既二人晚餐超級抵食🍱，所以前兩日放工去食。晚。嚐二人餐$258包括兩款台風小食🍡、主食兩款、飲品🧋，仲可以加$10配甜品🍮，性價比極高。小食路邊攤小食即係小食拼盤，有台灣腸、魚丸、鹽酥雞🐓，台灣腸帶甜有咬口，係我台灣小食首選。另一款小食紅油抄手，一帶四隻抄手，皮薄肉厚，紅油夠辣🌶十分惹味。我哋再加配$22麻辣豬耳朵，爽口彈牙唔太辣，非常好味😋。主食墨魚🦑鮮蝦茶香藜麥飯🍚，煎墨魚餅有咬口有彈性，蝦🦐肉新鮮彈牙，配合茶香藜麥飯，健康又美味。另一款主食烏魚子元貝手作麵🍝，元貝表面煎香，肉質爽口彈牙，手作麵creamy有咬口，非常好味。最後更係唔少得食甜品✨，絕對推介抹茶🍵鮮果流心歐軟👏🏻，麵包多士磚裡面有Q彈matcha，配搭抹茶雪糕🍦同鮮果，非常好味。