星怡

Open Now

Now Closed

平時自己好少食星馬菜，我以為星馬菜黎黎去去只有海南雞同肉骨茶，以上兩款食物我都麻麻地。不過今日屋企人帶我去黃大仙既星怡，原來炒貴刁同麥片蝦咁好味。星怡面積幾大，室外座位有live music表演，坐係室內既我都聽到歌手既歌聲🤣- 海鮮釀油條油條中間加左蝦滑，口感外脆內軟，整體食落唔算好油膩。- 馬來鮮蝦炒貴刁麵條寬度同河粉差唔多，而且更加煙韌。入面有大蝦、芽菜、雞蛋同臘腸。炒貴刁充滿焦糖香氣，好有鑊氣，旁邊仲有鮮甜香辣既辣椒醬。- 新加坡麥片蝦蝦本身已經鮮甜彈牙，麥片加添一份香甜味道，而且令外皮更酥脆。乾炒牛河同貴刁味道差唔多，但相比之下炒貴刁更勝一籌，另外麥片蝦好驚艷。