Homy Cafe (Closed)

除左買餸無咩野都唔會係上水行街，你懂的。不過最近係Instagram見到有friend post張相幾吸引，就黎幫襯下。📋Menu選擇岩岩好，唔會眼花繚亂，可以預計得閑會再黎食齊咁多款。🍸一個burger叫杯野飲，杯野有半價。叫左杯藍橘菠蘿梳打。5分鐘鬆d就到，藍色野一杯，有幾條橙皮，杯底沉澱一層菠蘿漿。其實味道唔算好出，果味淡味道比較一般。🍔不過主菜當然係個burger! 雖然「辣味漢堡」個名普通d，但實際上絕不馬虎，有板有眼，不輸蝕比中產飯堂😂首先塊牛睇個形狀都係自己搓出黎，9成熟，中間粉紅軟綿綿，肉汁都ok香，唔會似食紙皮。加埋嫩滑嘅鴨胸片彌補下單調口味，係唔錯嘅點綴。個辣醬都幾特別，鹹香辣，辣度都適合大多數人。稍為可改善下番茄貨，唔夠爽脆。個包都可以烘下內層。塊牛肉可以多dd香草。d醬可以塗得均勻d。入鋪見到店員都好後生，可能係自己夾份開嘅鋪？服務就唔苛求咁多啦，環境的確闊落舒服！$81蚊咁嘅價錢唔洗出九龍港島乜都抵返曬。