今日男胖子話未食過想試下，見佢咁渴望嘅眼神，就估且食多次。
以往星期六日都會收起lunch set menu，呢點我好唔滿意，星期六日就唔可以食lunch咩？咩道理。今日係星期日嘅lunch time，發現有得食lunch set，而且無加一，作為食客真係覺得好感動。
講返食物質素，有進步到，由唔好食變返好食，總算無入錯黎。
呢個係我嘅牛舌烏冬，超多塊薄牛舌，塊塊都好入味，配埋清湯烏冬，好好味呀！呢個餐配左2個手卷，都好正！重點係好抵食。
男胖子就食辣嘅牛舌拉麵，一整鍋上未食已經好滿足，味道都唔錯。佢配左蟹籽沙律，有足夠沙律醬，推介~
淨係2碗麵我地緊係唔夠，另外加左燒粟米，燒鰻魚同三文魚腩手卷，正！
希望下次黎都一樣好食！
