睇左一輪就㨂左哩間7E咖哩王，入到去我同朋友就㨂左2個菜share食，我叫左個燒雞，朋友叫左個芝士薄餅同香料雞，另外再加多杯Mango lassi
上菜都好快，我同朋友叫左一陣就已經上左個芝士薄餅同香料雞
個薄餅本身幾有芝士味，但唔會好膩，加埋香料雞d醬汁，食落勁夾又惹味
個香料雞d雞肉又嫩，真係好正
至於個燒雞都好香口，食落又唔係熱到食唔到，又辣辣地咁，好開胃，我自己覺得連埋芝士薄餅咁連住食都好正！
個芒果lassi飲落好夠芒果味但唔太甜，就算之後d冰溶左都唔會話好淡，有時食燒雞食到辣辣地，飲番啖解辣都真係唔錯
總括黎講食物質素都好好，晚市黎食都唔算好貴，份量都唔會太大，2個女仔食岩岩好，性價比唔錯，我自己黎講一定會再黎食！
