鹽酥雞扒魯肉飯
雞扒已經切開好方便，調味岩岩好唔會太咸，脆雞皮嫩滑雞肉食落好正！魯肉肥瘦均勻而且味道好香，真係有台灣既感覺！
紅燒牛腩油麵
呢個麵一到已經聞到好香既牛味，牛腩淋到接近入口即溶，肉質好嫩好入味。加上爽哂湯既油麵同埋幾正宗既牛肉麵湯底，整體好高質！
芝士肉鬆蛋餅
芝士味濃而且加埋厚厚既肉鬆，加埋一齊層次十足好豐富。蛋餅唔會太厚又食到好濃郁蛋味，加埋少少辣椒醬調味岩岩好!
蚵仔煎
好正宗既蚵仔煎，蠔仔量多又新鮮，食落爽口又鮮味。蛋亦都夠多，加埋一齊好好食。真心同台灣食到既一模一樣！
鹽酥魷魚
魷魚份量十足，兩個人真係爭啲食唔哂。炸得好香脆而且熱辣辣，少少調味已經夠哂！
