一進門見剛有羣日本人進餐完畢由一名似是日籍男侍應以友善的態度護送出門。誰不知對著我時卻180度黑面，我一向都不太理會services, 只在乎食物質素，所以都不以為意地對他說book了位，然後他帶我到我預定了的位置。我買了個雪糕蛋糕所以有禮地請他幫我雪著。他很好地二話不說幫我放入雪櫃。
可能我地好多朋友包括我在內都遲了半小時才到的原因，個個侍應都黑口黑面，有位更不時黑口黑面咁走過來問我們人齊没，像是吹我們快吃快走似的面口，我心想咁串莫非食物質素好好？我滿心期待著。
終於齊人了，我和朋友分别用白紙寫想order的dishes 的餐牌number. 我都未寫完，那位操流利廣東話的待應就取走我未寫完想order 食物的numbers。吓?! okok. 佢話叫我地叫住啲先，然後遲啲再叫，朋友問可否先上刺身等凍食，然後再上熱食。佢話唔得，厨房做好咩就上咩。。。恕本人食得少日本人在港開的日本菜，我確係第一次得到此等up dub茶餐廳般的上菜程序! ok. 唔緊要，你上咩我地食咩，如果食物質素好，我無所謂! 最後我們大致叫了:
牛舌x 2。。。。。。太乾，無牛味，不厚不薄，太重鹽味。差。
牛扒x 2。。。。。。太亁，肉質鞋，牛膏其實係有香牛味的，雖然選料不佳，但好明顯overcook, 汁亦太多太濃，如果煮少幾
分鐘，相信不會如此難食。差。
魚餅x 2。。。。。。不過不失，不過唔夠香魚味，味精略重。唔油膩低讚。
炸茄子x 2。。。。。 選料欠奉，不過夠林，唔油膩低讚。
炸雞軟骨 。。。。。 不過不失，軟硬適中，唔油膩低讚。
炸雜菜天婦羅。。。 只吃到漿粉味，吃不到菜本身的味道，差。不過唔油膩低讚。
燒河豚干。。。。。得個甜字。
沙律麵。。。。。。 沙律酱的味道，配麵怪怪的。
沙律。。。。。。。 沙律酱的味道，無咩特別。
天婦羅南瓜。。。。 只吃到漿粉味，吃不到南瓜本身的味道，差。不過唔油膩低讚。
番薯天婦羅。。。。 只吃到漿粉味，吃不到番薯本身的味道，差。不過唔油膩低讚。
燒魚。。。。。。。 燒到似咸魚乾般，overcook. 不知所謂。
燒魷魚。。。。。。overcook 加重口味咗少少，略亁。
牛肉烏冬x 2。。。。重口味，湯太咸略帶少少牛味，烏冬唔夠彈牙，即斷。牛肉少，小，薄，乾，口感似即食牛。差。
雜菜烏冬
冷喬麥麵x 2。。。。麵過林，唔香。個daishi汁below average. 少有地無鵪鶉蛋。
飯團x 12 (梅，木魚，鮭)。。。。個飯唔香太林。一pat pat。差。
三文魚刺身。。。。選料差，唔香。
中段食食下問我地係咪黎唔齊13個大人，我地係有兩個大人有事黎唔到，叫我地坐入啲，spare 番兩個位出來，但其實仲有位無客等的，完全係趕客咁款。。。
食到差唔多，叫佢上我自帶的生日蛋糕，誰不知佢地話要收200大元切餅費!! 之前又唔講! 最後我地都係拎走自己响尖東water fountain 度切。
總括而言，不知所謂。
P.S. serve我們的人黑口黑面加不耐煩的感覺係好個人感受的，可能當時人已表現其最禮貌最有善的一面而只是我們感受不到。可借係當日一行11人都有此感受。亦都是因為朋友對其咀臉及服務的不滿，而阻止我給此店200大元作切餅費。而寧願去尖東水池旁切。
