珍苑麵家 (Closed)

上次嚟珍苑食過超好味嘅牛腩牛肚，今日嚟想試吓新嘢，於是叫咗碗廚師推介嘅醬燒豬軟骨米粉再加雲吞。原本諗住會係食開豬軟骨嘅嗰仲調味，點知原來佢係細細個 嘅時候，阿媽用嚟煲豬骨粥嗰種燒豬骨嘅味道！🤤🤤🤤 食落肉質鮮甜，仲要有陣淡淡嘅炭燒香味，軟骨唔算太淋，但係可以完全咬碎。雲吞用料新鮮，紮實有咬口，加埋少少鎮江醋，啖啖鮮味 😋 碟芥蘭雖然係全走，但係啲菜超甜超好味；米粉爽滑，如果唔怕食得濃味啲，記得加腩汁 ！