呢度主力做外賣，但依然好比心機裝修，仲有三個位可以堂食添。我就決定係度食埋啦，趁熱食啊嘛。
我揀左呢度力推既私房花雕醉雞拌麵（$78），用左香麻油、老薑、花雕酒蒸雞。
食落酒味唔會好嗆喉，比較柔和，雞都幾嫩，蒸得幾好。
呢度拌麵可以揀刀削麵或者幼麵，我就揀左刀削麵，彈牙有咬口，我好鍾意！
呢度免費加底架，但係普通份量都夠喇。
呢度加$15可以有套餐，即係包一盒青菜同指定幾款飲品。青菜都幾大盒，有差唔多三分一個生菜！
煮得剛好啊，菜仲係好爽脆。菜係用左蒜蓉調味。
飲品我揀左仙草茶，飲落感覺健康，味道唔會好甜。而且粗管吸得幾容易啊。
