百味川 (Closed)

做完野特別肚餓，葵涌廣場最多美食，今次食米線，味道幾好。食店有自選配料米線，亦可選擇數款招牌系列，而且有清湯、酸辣、麻辣、蕃茄、酸辣蕃茄......真係照顧到唔同口味既食客。小食有十款，仲可以雙拼，岩哂爲食既我，又可以食多幾款小食。飲品較吸引我的有原味樽仔奶茶及柑桔酸梅露，最後揀左奶茶雙拼小食$41，可以任揀兩款小食，我揀左口水雞翼及蒜香皮蛋，份量適中。細心地整左單骨雞翼，方便進食之餘，仲可以吸多點辣油醬汁，既麻又辣好刺激，個汁仲好香，雞翼夠凍所以特別爽滑，味道幾好。皮蛋見佢起哂松花，蛋心濃郁軟滑，蛋皮彈滑柔軟，配大量蒜泥同少少麻辣汁，勁香勁惹味，皮蛋同蒜都一樣重味，配麵食一流。百味小鍋米線 $47，酸辣+$1，配料有牛丸、麻辣豬肚、雞肉、豆卜，都幾大碗。麻辣豬肚外軟帶爽口，已經入哂麻辣味，好正，配酸菜食更美味。雞肉份量多，仲要估唔到咁嫩滑。豆卜吸哂酸辣湯汁，而且唔油膩，另外牛丸都爽彈。最正係酸辣湯，酸菜味突出，帶微辣的味道，辣味好快散去，所以輕鬆食到尾。米線彈牙份量都夠，配爽爽地的酸菜、花生、芽菜，口感變得豐富，呢樣就係食米線既吸引之處。原味樽仔奶茶 $16，跟餐$11。份量的確細左