銘興酸菜魚 (Whampoa Estate)

Open Now

Now Closed

星期六日兩日都落雨，天氣又好潮濕，食碗 辣麵去濕就最正。今日去紅磡黃埔，地鐵站一出就開始搵嘢食。十二點入座，餐廳已經坐滿一半人，可能落雨關係，外賣訂單好多。但係都冇影響上菜速度，好快有得食。水煮魚米線$60 ，大大碗亦都有非常多魚肉完全無骨，啖啖肉。每碗麵都會送一盒紙包飲品。另一碗蕃茄肥牛米線 $60 肥牛有好多塊，夠足料，，好味。好耐無食泡椒蓮藕帶$40，有 青瓜底，爽爽脆脆辣得好過癮 。小酥肉 $40 ，真係好酥脆。食個甜品好滿足，黃金糯米糍 ，煎香左外面有少少脆，煙煙靭靭。