Sun Wah Cafe

話說心血來潮想食個港式蛋撻，一個人走去長沙灣青山道。呢條街其實有兩間歷史悠久又超多人氣既茶餐廳。就係‘金園茶餐廳’同‘新華茶餐廳’，中午12:00沿路行過去兩間都多人等。🙈睇落新華門口少D人。所以去左新華。
一坐落就心急叫左個蛋撻先，再加個常餐。
超有效率，一下子黎齊晒🤣

1

沙爹牛麵，味道普通唔算好美味，牛肉碎濕濕同偏乾。火腿奄列味道正常。無期望所以無失望，只係唔想空肚食甜野，重點都係想食個蛋撻。
蛋撻明明同常餐一齊上枱，留到最後先食，重保持到熱度。

蛋撻酥皮鬆脆，蛋軟滑有蛋香，甜而不膩。100分美味，滋味大滿足。果然無失望
今時今日重有幾多間茶餐廳有出爐蛋撻，真材實料重要有水準，呢種味道只有舊式茶餐廳先食得到。

用餐期間，見到師傅捧著出爐蛋撻出黎最少兩次。果然新鮮。