Chuan Palace (MOKO)

雖然係川菜餐廳，不過都有好多粵菜選擇，朋友移民回港探親，就一齊回味下粵菜、點心。

貢品炒飯蟹肉、蝦肉用料充足，有蟹味，夠鑊氣，但偏鹹。

幾樣點心賣相雖然普通，但味道都好唔錯，原來係由前澳門五星酒店主廚主理。我地揀左甜包（唔記得左全名）、鮮肉小籠包、燒賣、叉燒腸，仲有芝麻卷，兩樣甜點都有驚喜，平時煉奶花生醬揸麵包就多，原來用黎做中式包都夾到，趁熱食特別好味。

1

一向唔太鍾意芝麻食品，大家叫到就試下，黑芝麻卷質地綿軟，甜而不膩，配上芝麻粒，口味香濃，都值得一試。

餐廳內裝修雅緻，午餐full house都唔會好噪，適合聚會，會再encore, 下次試埋川菜。