川熙樓 (Closed)

我同老婆放工約左剪頭髪順便去附近睇下有咩食，之前夜晚都黎食過川熙樓，不過未試過D間既午餐，原來都有lunch set，每一個餐都包一個主食+小食+飲品，所以我地叫左每人一個餐來試下。口水雞比我相像中麻同辣都配合得岩岩好，加埋雞脾肉嘅嫩滑，幾開胃，餸飯或麵都一絕。蒜泥白肉對比口水雞清淡點，因為D辣不算太辣同埋白肉包住青瓜絲，所以清得來帶點爽口，但味道都十分美味。蹺腳牛肉鍋有牛肉、牛柏葉、牛筋、冬菇、粟米、秀珍菇、金菇、蘿白，上菜時見擺放得非常之靚！飲一飲湯先，牛肉味超濃郁，對唔食得辣既人同細食既人黎講一絕。麻油雞湯麵我地今日兩口子都唔想食太辣，所以叫咗個湯麵食，湯底清甜麻油味非常香燶，雞件仲幫我們去左哂D骨，非常細心，盡吸湯底精華，好好味。