Paradise Veggie

岩岩有朋友約我食飯，不過佢食素既，正頭痛去邊到食好（大家都知素菜平時都比較貴），我又大食，好在咁岩係網上見到，係銅鑼灣 Tower535 開左間素食自助餐 樂園素食，任食價錢又大眾化，咁就即時Book 定位去試下。

樂園素食在 Tower 535 地庫，地方好大，裝修好新式，就好似係酒店入面食自助餐一樣，好岩年青人幫親。老闆見我地第一次去，仲特別介紹一番，招待得好好，好有家既感覺，我平時少食開素菜，都被他感染到開始愛上素食。衛生方面又係滿分，攞食食除左要帶口罩外，仲要帶膠手套，超級衛生。

素鮑魚

咕嚕肉

過百種菜式，咕噜肉、鮑魚都係招牌名菜。飲品有豆漿，多種熱飲，即磨咖啡(真係同大酒店有得比) ，另外還有多種甜品，仲要樣樣都咁好味，真係難得。

1

壽司

我超鐘意食佢地既壽司，老闆見我係咁食壽司，又過來話我知，原來整壽司既係以前有名既日本料理師傅，超級推介。另外Pizza 都係我另一最愛。

串燒

另一推介就係佢地既串燒，晚上供應。

好少有自助餐有咁多款式，我唸要起碼三次才能試晒全部野食。很難得的一間滿分餐廳。

素炸豬扒