迷你毛

Open Now

Now Closed

深水埗鴨寮街嘅呢間小店係我其中一間至愛，環境舒適好錯坐唔在講，lunch同朋友嚟食飯傾計，十二點半坐到四點都唔會趕客，咁有時傾得開心坐耐啲我哋都會識做，叫多杯咖啡，叫多件兩份甜品，食物質素係相當有保證。minimal間唔中會轉餐牌，其實好多款我哋都食過，大部分嘅pasta都有水準，特別係個汁做得唔錯，risotto就個人口味唔係太喜歡，另外佢嘅全日早餐都好好食。甜品方面最好食當然係tiramisu，我覺得係佢哋嘅signature，成個波波咁好有特色，裏面有好多nuts。有款french toast聽講好好食，但一直冇機會食，因為同行嘅朋友唔想試。咖啡就大家一致都好喜歡rose latte，基本上每次都係飲呢款。其實仲有好多特色飲品想試，但每次都係對杯玫瑰拿鐵念念不忘，最後都係會叫返。唯一希望改善嘅就係拆走疫情時候裝上嘅嗰啲隔板，好礙眼，食嘢時又會頂住手踭好唔舒服。