一入到去職員好禮貌招呼我地，安排咗坐喺窗邊位置，環境好舒服好靚，燈光都好有情調🥂
我哋叫咗個二人套餐
有暖胃湯，上湯非常有儀式感🙊
然後前菜都好吸晴👀
青芥末海蜇頭 -芥末唔會太刺激，配搭得好好👍🏻
香橙白玉蝴蝶-呢個令我另眼相看，好香橙味🍊食落去清新開胃
桂花蜜餞鮮冬菇-桂花味好香，再加埋脆卜卜嘅外皮，有啲似食緊天婦羅🙊
夏威夷果蘆筍炒鮮菌🥗
菇炒得好入味，蘆筍冇渣配埋夏威夷果仁，成個菜有唔同口感，好食又健康
主食有黑松露和牛崧炒飯🍚
炒飯非常香口，裏面仲有好多牛肉😋😋我最愛呢個
最後仲有個甜品叫紅粉玉露
職員話以往係楊枝甘露，今期就加入番石榴，味道好有驚喜🩷食落好清新唔會好滯，推薦推薦！
賣單嘅時候，職員仲同我哋講Join 會籍會比較划算，鍾意食中菜嘅都可以join🙊
