露筍蟹肉滿滿，口感豐富
入面本身加左XO幾香
但再點埋佢碟XO，好食程度提高！
好食👍🏻
貴妃醉蝦餃
未咬先聞下，淡淡酒香
一啖咬落去，外皮煙韌
內裡多汁，蝦肉彈牙
今餐之最🫶🏻
鮑魚花膠海味灌湯餃
價錢好進取，但見到有都想試下🤤
個湯好濃，有成粒乾瑤柱
湯底應該有用金華火腿，好好飲
灌湯餃皮簿，比好多坊間既優秀！
個涵豐富多料，整體好食
但食唔出鮑魚花膠既感覺🙈
銀湖天鵝酥
天鵝身炸得好脆
唔乾身同唔厚粉，高質！
個涵應該係鵝肉加上其他配料
配搭新奇，內裡多汁，好食！
上湯浸牛肉球
個湯清清地好飲
牛肉球細細，有陳皮味
完全唔需要點喼汁
味道唔錯，幾得意
麻香蛋散
看似簡單其實見盡廚師功架
雖然比較細件，但乾身輕盈
糖漿上枱前已撈好
食落鬆脆，推介！
1
