環境不錯啊，裝潢時尚，座位都幾闊落，我坐的位置，溫度都好舒適。
食物有刺身、熟食、沙律、甜品、粥粉麵等。
🔸️花膠湯
好大舊花膠啊! 仲有鮑魚! 除了食材矜貴，味道都好好，熱辣辣暖入心，飲得好舒服。
🔸️燒牛扒
高質有濃厚肉味，推介~
🔸️海鮮意粉
濃郁忌廉汁，正宗西式煮法，並非港式西餐味道。
🔸️上湯餃子
正常食法係配上湯，但個人認為單食餃子，口感會更好，保持到脆口。
🔸️即煮粥
自己選擇配料，有蝦、雞、海參絲、鮑魚絲等，揀完等5分鐘左右有得攞。
配料同粥非常的夾，而且粥底好綿密，濃淡度適中，又係令人食得好舒服。
1
🔸️甜品
甜品不算非常多種類，但都幾精緻。
最得我心的鬆餅，外脆內軟，咬下帶著奶香。
特別一讚服務，多位經理/侍應都好熱心幫助食客，例如現在很多食物都加了蓋子，攞食物難免有點麻煩，而經理/侍應都就會立即來幫你，很細心。
時間方面，由3點15分到 5點，覺得比較趕。一到5點就把餐具收起了。😆
