燒味滷師 (安發大廈)

Open Now

Now Closed

呢排天氣凍左好多，懶得煮飯，今日出開街，順便買D燒味返屋企做晚餐。行過長沙灣長發街，見到呢間燒味滷師，好多街坊幫襯，大家都排隊買外賣，上網一睇，原來係酒店燒味主廚主理既外賣店，咁多街坊幫襯，睇黎係信心之選，一於買返屋企試下。最後買左至尊燒鵝(上庄)、客家鹽焗雞一隻、老師傅燒腩仔同埋燒味佬叉燒。至尊燒鵝(上庄)外皮口感微酥，油脂分布均勻，肉質嫩滑柔軟帶豐富肉汁。客家鹽焗雞金黃色澤賣相吸引，皮爽肉滑，咸香鲜嫩，啖啖肉好滋味，食落香嫩唔油膩，正。老師傅燒腩仔肥瘦比例剛好，層層相間，口感軟腍鬆化好有肉香，外皮脆卜卜有嚼勁~燒味佬叉燒 香脆惹味，肉質軟嫩多汁，微燶位置有炭火香氣，肉味香濃仲有豬油甘香。