招點薈 (Closed)

之前返工成日經過佐敦，赫見平民區竟然有一間裝修高雅既西餐廳，然而午市價錢卻十分平民化，仲要免加一，當然要入黎試下啦！！我叫左一份午市套餐，先上左是日餐湯—香濃蘑菇湯，飲落creamy又有少少咬口，唔錯～而主菜「慢煮牛肋條配白飯」($88)，牛肋條炆得好稔好入味，醬汁亦好濃郁且唔會太油膩，正！值得一讚既係上菜時既碟係熱，呢點好多高級餐廳都做唔到，服務好細心，所以呢度有驚喜最後，店員遞上以隔熱杯盛載既熱檸水，糖既份量可按個人喜好整體而言，呢度環境舒服企理，樓底亦夠高；最重要的是服務態度真係超好，非常友善，侍應會主動問客人既需要，所以用餐體驗十分愉快，下次必定再光顧！