嵩雲廳

Open Now

Now Closed

天氣回暖星期天又係時候同屋企人去飲餐茶，今次去嘅酒家位處有近50年歷嘅彌敦酒店頂層，對於今時今日屹立於彌敦道只有15層的酒店真係有少少匪夷所思，而且更必需經由14樓房間樓層步行上一層；感覺有點隱蔽。踏入餐館裝飾保留九十年代深沈色調；茶色玻璃鏡片及漆木面牆身裝修。彷彿有幾秒返會回九十年代的感覺。粵式飲茶當然唔少得點心，雖然等候時間較久但 生煎菜肉包、 蠔皇叉燒包 、蜂巢芋角 等多款點心都是熱呼呼的。味道屬於市場大眾水平不過不失。至於 香茜牛肉腸 及 上海小籠包 較厚皮。可以特別一提 豬肚蒸燒賣 因酒樓都唔係間間有，仲要係酒店中菜廳出品，須知豬肚處理真係唔小功夫。另一個懷舊菜 鴛鴦臘腸卷 都可以讚讚，大小跟小時候食嘅差不多，臘腸潤腸十分甘香，咀嚼時肉香潤香不斷夾著油份絲絲滲出。最尾加多個飽肚 星州炒米粉，廚房巧手用極小油炒出惹味星洲米夠健康。除咗個肚皮整個午膳有有少少後生咗嘅感覺，加一前都唔洗四舊，每人百零元其實好抵食。