日悅極尚日式放題 (Closed)

同男友好耐無食過放題， 之前見網上介紹德興新開左日式放題，發覺評分幾高，價錢又算便宜，決定黎食餐勁當提早慶祝情人節。呢道一般放題店空間闊落，食物除一般放題食品劃紙落單，有一邊是自助corner，各式小食冷盤 甜品飲品任拎，未食都覺得好吸引。冷盤有凍凍蝦、青口、翡翠螺。十足酒店buffet ！先黎一輪刺身。三文魚刺身勁厚切, 入口肥美。 赤蝦夠哂鮮甜，北寄貝刺身夠爽口，蟹腳都夠粗夠鮮甜，整體鮮度十足，不錯。壽司做得唔錯，全部都比較細粒精緻，唔怕食飽。海膽軍艦鮮甜唔腥並有少少海水味，紫菜脆卜卜。海膽魷魚滋潤滑身，配海膽很創新。 鵝肝帶子壽司幾有特式，鵝肝雖然比較細，但味道還可以。帆立貝北海道燒必食，大大隻好厚肉，帆立貝鮮甜，酸酸甜甜沙律醬加埋芝士，非常惹味。羊架好入味，肉質嫩滑又吾羶。牛舌鹽燒咸香味重很爽口。之後再叫d炸物，芝士年糕、榴連炸蛋等。芝士年糕唔錯，好煙韌，芝士多又香，唔會成舊粉。榴連炸蛋更加唔使多講，熱辣辣，榴連愛好者必食，香口非常。甜品方面竟然有movenpick任食。超正！P.s 食物質素唔錯，但都有溜單情況同比錯食物，可能太多人人手唔夠，建議改善！