Shining Star Bar & Restaurant (Closed)

大食既朋友約我黎食放題，我見酒吧餐廳都有放題食咁得意，就同佢試下。時令生蠔串燒放題每位$438再加1雖然係餐廳係樓上舖，但唔難搵又幾近time square。燈光環境幾modern。黑糖麵包唔比OutXXXX差，有淡淡黑糖味，但唔會過甜。生蠔上枱時好IGable，出哂煙咁，可惜掛住睇，影唔切。生蠔超新鮮，又肥美，同buffet食既係另一level。個人認為不加任何醬仲好食。螺又係好大隻，勁彈牙，但又無話un到吞唔落。炸物賣相同一般大型日本放題質素差不多，但食落好唔同。芝士年糕比一般既再Q彈，芝士味再濃一點。脆炸春卷係以蔬菜做主調，比較低油膩感。串燒係即叫即燒，燒得幾香，又唔會太乾。澳洲M2牛肩胛配威士忌燒汁另加$98淡淡肉，幾有咬口，可以一試。