Shining Bar & Restaurant (Closed)

銅鑼灣有間樓上吧主打中菜，今晚就上嚟試下。餐廳都幾好氣氛，仲有大K房可以book，而夜晚仲會有live band表演。以為酒吧嘢食普通就大錯特錯喇～呢度嘅中菜好認真，唔飲酒嘅朋友都啱上嚟食飯。酒香威士忌鵝肝（$188）- 呢個係佢哋吧推薦菜～店員會係威士忌上打氣，帶有蘋果木香，再淋落鵝肝食。鵝肝味道較淡，同濃郁嘅威士忌好夾，再配埋底下爽口嘅青瓜絲一齊食，增添口感。沙拉肉排（$128）- 肉排啖啖肉，腍而入味，配上沙拉醬更開胃。生啫馬拉盞唐生菜煲（$108）- 呢個馬拉盞菜煲好惹味，上面仲有肉碎，餸白飯一流。海皇飛天麵（$188）- 賣相一流😍 上海炸麵無得頂，份量仲好多添，四個人食都得！配料有有蝦、魷魚、帶子同紅青椒，都幾豐富。另外嗌咗兩杯mocktail GG （$108）- 呢杯係用青蘋果糖漿、綠茶同青檸汁製成，酸酸甜甜令人開胃。Mango Killer （$108）- 係用雪糕、自家製芒果糖漿、檸檬汁同乳酪打成，好creamy，有啲似印度菜嘅mango lassi，當甜品食都得。