Chotto Maki (廈門街) (Closed)

同幾位同事去灣仔見客，傾咗半日才完成工作，個個攰到唔願出去食飯，話想早點休息，經過一間賣壽司飯卷的CHOTTO MAKI,有同事知道呢間做啲飯卷好好味又好特別，食材配搭好有創意，大家都想試吓，一於買外賣返屋企食。味噌湯濃味適中，飲碗熱湯可以舒緩疲勞！飯卷款式有12種，分切4舊和8舊。包裝都好整潔快捷。SEA MONSTER蟹棒和青瓜切絲，加即炸天婦羅蝦包成飯卷，再加上鰻魚汁、自製醬汁和櫻花蝦、炸蒜片。味道鮮甜又有口感，材料配搭得唔錯。604 CRUNCH三文魚新鮮有魚油香甜味，玉子、綠色蔬菜、櫻花蝦無論味和口感都唔錯，壽司飯調得夠味，軟硬適中，包成大大條飯卷，切開4份夠曬份量。PHILADELPHIA肥美的三文魚配奶油芝士做餡，鮮味中帶點咸味，飯卷面放上軟滑的牛油果和增加口感的飛魚子，醬汁用咗鰻魚汁和蛋黃醬，創意十足又好味！CALI SALMON 先將炸過的三文魚做餡，之後放上蟹棒絲和黑芝麻，再灑上胡椒鹽，又是另一不錯的創意，配搭得香甜中帶點咸味的飯卷。