三一餃子 (利源西街)

Open Now

Now Closed

同同事放工想食樣快靚正，落緊地鐵站時經過呢間餃子見幾光猛同埋價錢抵就試下！好肚餓呀我地叫左ABC套餐再散叫左款餃子首先出場既係黑白松露冰花煎餃子松露既香味真係好難形容，但係松露同豬肉餡經過高溫去煎，散發出個種油香真係不得了，好juicy！之後到湯蒜芯餃，蒜芯當然有蒜味啦，好爽口，同豬肉做成左口感上既對比！湯底好濃既蝦味，正！鰹魚昆布湯米線，冇加辣，湯底好味！飲品叫左熱既紅棗茶，足料好飲！餃子雞翼好好食，勁熱岩岩炸起，超juicy!值得加錢叫！春卷都係熱辣辣，脆卜卜！想試埋個薑蔥餃，食落個餡好似小寵包，好多汁，好新穎又好食，必叫！