又係試野食既時間, 嘿嘿!
同男友仔 2 個, 三心兩意, 左揀右揀...
終於落搥試呢間!!
店入面既隔局唔錯, 好舒服, 好夠空間感, 讚!


餐牌選擇都足夠, 樣樣都好想試, 哈哈~
可惜只得 2 丁友, 所以叫左少少野試:
三文魚刺身 (2客)
地獄三文魚頭鍋
蟹肉 pizza
炸墨魚咀
刺身飯
等左大約 10 分鐘, 上菜啦, 上菜啦!!!
三文魚刺身 (1客 = 2客) - 星期一至四有 buy 1 get 1 free, 好新鮮, 好抵食, 讚!!


地獄三文魚頭鍋 - 唔夠地獄, 但個湯唔錯, 有三文魚頭, 金菇, 豆腐, 菜, 都算惹味!!


蟹肉 pizza - 好薄底既脆脆 pizza, 不過 pizza 面既料就咸左少少.

炸墨魚咀 - 唔太夠脆, 分量算足, 脆 D 會好味好多.

刺身飯 - 好鬼死大碗, 跟個麵豉湯, 飯係壽司米, 有咬口, 刺身都算新鮮 (除左海膽...唔甘甜, 仲有 "生" 味 ><)

1
總括黎講, 仲有好大既改善空間, 但係又未至於太差, 還可以啦!
不過下次再黎就未必會再食...加油嚕!!





