Pizza Milano (Closed)

上星期五約佐班朋友去Soho區食飯，夜晚八點幾，落大雨又冇訂位，有朋友提議呢間Pizza Milano，摸上去好在有位，成班餓鬼（9個）點佐兩個沙律及5個pizza，其中番茄芝士沙律的質素真可比得上一流意大利餐廳，跟住好期待pizza的來臨。Pizza中，印象最深刻係三文魚pizza，一般餐廳會用一小片一小片鋪在上面，但呢到係用同塊pizza等大的三文魚肉蓋著，個賣相震撼到全檯人都爭著要試，喜歡吃三文魚的我懷念到今個禮拜五要再去食，因三文魚剛熟，仲好柔軟同juicy，真係好impressive。另佢個辣汁帶子意粉都好好食。雖然飲品一般，服務亦一般，但同你去兩間大連鎖pizza店差唔多價錢黎講，咁我寧願去呢度，雖然環境唔算靚，但我呢個潔癖人覺得衛生都幾好。