大快活 (Closed)

又係大快活，一係唔食，一食就食開有條路咁。明明平時好少簡嚟食大快活，但係依排嚟知點解有咁多機會食佢。話說無幾耐之前行經過大快活，發現佢晚市推出咗人參雞湯餐，雖然唔知係咪新出，但係我就未試過。同阿媽講完之後，我地兩個就一直好想試。今次咁啱有機會俾我試到。見個飯要$52，仲以為會包野飲，點知完來唔包。我同阿媽一齊share依個餐，最後都仲有少少食唔曬，一嚟佢份量都唔算少，個鍋有成半隻雞，半個薯仔，3舊白蘿蔔，好多好多椰菜，碗飯都大碗；二嚟係佢一d都唔好食。個湯完全冇雞味，阿媽話似菜湯多d，我就覺得應該係溝再好多水再自己加d調味嘅史X生清雞湯，不過個湯都叫有少少參味嘅，我諗原因應該係佢d人參係切到粒粒咁，所以好易出味。d菜應該係平時d配菜就咁放落去滾幾下，白蘿蔔唔淋之餘仲有少少渣。薯仔正正常常，個雞好嫩，幾好食，不過放咗落個湯度真係嘥曬。下次寧願食番焗豬算。