今日專登走入大圍，為嘅就係試吓呢間人氣甜品店！雖然係甜品店，但佢哋嘅鹹食一樣有驚喜，今次試咗幾款招牌，真心想同大家分享下～
🍧 桃膠雪燕椰皇
養顏之選！原個椰皇上枱，椰皇燉蛋清甜軟滑。桃膠同雪燕多到要分碗上，每一啖都食到滿滿膠質，椰香清甜唔膩，感覺自己食緊個美容套餐～
🍢 避風塘拼盤
估唔到甜品店整避風塘小食都咁出色！拼盤有燒賣、花枝丸、甜不辣，炸到金黃香脆，避風塘蒜酥炒得夠鑊氣，辣辣哋超惹味。特別推介甜不辣，外脆內Q彈，好正！
🐟 榴槤忘返（D24）
榴槤控必點！用咗D24榴槤，真係冇欺場～勁多榴槤肉，味道濃郁香滑，仲有得意嘅水晶珠增加口感。食完真係「榴槤忘返」，回味無窮！
🥭 芒果紫米露
見到都嚇親！芒果多到滿瀉，懷疑老闆係咪同錢有仇～紫米煮得軟糯，椰奶香滑，配上新鮮香甜嘅芒果肉，每一啖都係幸福。
🌽 粟米濃湯拉絲麻糬窩夫
最有驚喜嘅一款！鹹甜交融得恰到好處～粟米濃湯香濃creamy，窩夫外脆內軟，中間嘅麻糬真係拉到絲！分開食又得，一齊食又得，創意滿分。
呢間甜品店絕對係誠意之作！每款食物都真材實料，尤其係水果類甜品，老闆落手完全唔手軟。環境舒服，價錢合理，無論係想食鹹食定甜品，呢度都滿足到你。已經諗緊幾時再encore！
📍 小貼士： 晚市經常爆滿，建議早少少去拎飛。另外，榴槤系列真係人氣王，想食就要快手啦！
