百樂小館 (Closed)

近日工作好繁重，老友知我有啲頂唔順，約埋一班朋友，帶我去食我最鍾意嘅潮州菜！位於尖沙咀的百樂小館，交通都幾方便，環境都好舒適！店內裝修好精緻，有別於一般傳統嘅潮州菜館，讓人感覺好舒服，一班女仔坐喺度傾計，真係成晚都唔捨得走！一坐低飲番杯功夫茶，即刻個人舒服晒， 去晒啲油膩，同埋一日嘅疲倦，舒舒服服同班姊妹享受happy Friday !滷水我片牛展，夠晒入味，最重要係嗰陣滷水味夠晒香濃，唔係單單嘅鹹味，慢慢品嚐之下會食得出唔同嘅香料，那陣陣的五香味！鹹菜豬肚湯，清清地，但又夠濃味，係都市人的最佳湯水！蠔仔餅用上番薯粉去煎，口感最正，煙煙韌，係最正宗的口味！老友怕我唔食菜， 專登叫咗秋葵炒牛肉比我食，好正，秋葵完全冇晒平時嗰啲腥味、同埋滑潺潺，識落爽脆，而且惹味！另外叫咗幾款小菜，都有質素，絕對唔會令人失望！最後仲有潮州特色嘅糖醋麵，而家已經好少地方有整，老友們真係知我心意！食到飽一飽，女人食甜品都係有第二個胃的，再叫一碗傳統芋泥，甜入心！飽餐一頓之後，那份感動源於家鄉嘅味道；亦源於姊妹嘅貼心，工作在繁忙，我相信都能撐下去！