正粉皮涼皮專門店 (Closed)

老老實實我係先比舖頭名吸引左，「正粉皮」三個字好似有聲咁😂小店係外賣自取形式，條有自家湯同涼茶。「正粉皮」以粉皮為主打，但都有水晶粉、銀針粉同涼面。再跟據自己口味選擇配料，我選擇左雞絲、木耳同蓮藕粒😌加埋佢酸辣汁其實好開胃，最喜歡蓮藕粒，好爽口！另外點左泰式鳳手，我都幾喜歡佢個泰式汁，甜酸度啱啱好又唔會太辣😌重點推薦佢地自家湯，600ml 先賣$40，足料又濃郁，真係勁似屋企煲既湯，現代家庭大家都要返工，有自家湯買真係方便好多！