和牛燒肉一郎 (新都城中心二期) (Closed)

叫咗兩個午餐定食另追加咗牛舌 和牛 帆立貝，包自助飲品同沙律吧，3款肉都ok, 符合性價比，但帆立貝48蚊兩隻燒完細過5𧐢子仲完全係無味道簡直係掉咗53蚊落垃圾桶。沙律吧選擇ok都新鮮，衛生企理，但飲品真係算把啦，感覺老闆唔捨得比客飲就不如唔好包人任飲，汽水係糖水嚟，只有糖漿味完全無汽，果汁係顏色水有色無味，最後沖咗杯茶，茶就very good真係茶嚟。後話：不過侍應小姐態度真係好好，埋單離座後同佢講帆立貝既情況，佢即刻話拎過兩隻比我燒，不過我哋話唔洗嘞，佢想送兩支雪條比我哋，但我哋都怨拒咗，不過真心讚佢服務同應變有盡力補償。